Zëvendëspresidenti amerikan JD Vance është pritur në një takim të shkurtër nga Papa Françesku përpara se të jepte bekimin tradicional të Pashkëve nga ballkoni i Bazilikës së Shën Pjetrit në Romë.

Papa i dhuroi zëvendëspresidentit një kravatë, rruzare dhe tre vezë çokollate për tre fëmijët e Vance.

“Nuk je ndjerë mirë, por është mirë që të shoh me shëndet më të mirë”, dëgjohet duke i thënë zëvendëspresidenti amerikan, Papa Françeskut gjatë takimit të tyre. “Lutem çdo ditë për ju”.

Një deklaratë nga zyra e zëvendëspresidentit shprehu më vonë mirënjohjen “për mikpritjen që Vatikani i ka bërë familjes së tij”.

Takimi i sotëm pasoi diskutimet mes zëvendëspresidentit dhe zyrtarëve të lartë të Vatikanit gjatë të cilave u zhvillua një “shkëmbim mendimesh” në lidhje me emigrantët, refugjatët dhe të burgosurit, sipas një deklarate të Vatikanit.

Zyra e zëvendëspresidentit e përshkroi takimin me kardinalin Pietro Parolin si të përqendruar në “besimin e tyre të përbashkët fetar, katolicizmin në Shtetet e Bashkuara, gjendjen e vështirë të komuniteteve të krishtera të persekutuara në mbarë botën dhe angazhimin e Presidentit Trump për rivendosjen e paqes botërore”.

Pak para se të shtrohej në spital në mes të shkurtit, Françesku adresoi kritika ndaj politikës së imigracionit të administratës Trump dhe hodhi poshtë përdorimin e një koncepti teologjik nga zëvendëspresidenti, “ordo amoris” (“urdhri i dashurisë” ose “urdhri i bamirësisë”), për të mbrojtur qasjen e administratës.

On Easter Sunday morning, shortly after 11:30 am at the Casa Santa Marta, Pope Francis had a brief private meeting with the Vice President of the United States of America, JD (James David) Vance. https://t.co/ZMvrb7d9YL

— Vatican News (@VaticanNews) April 20, 2025